話說 最近見到SEBA出左把FOR輪鞋既冰刀，仲有班本土既溜冰玩家同SEBA本人拍左條宣傳片，睇到佢地玩到咁型 就即刻甩左支架，帶對上鞋狗衝去專門店睇睇把刀咩料子。   開盒之後有2把特別既六角匙，1把係上實支刀既TRIX飛標匙，1把就係上實刀架特製L字匙，同埋一對 已開刀 全把黑色既SEBA冰刀架。 溫馨提示:出廠果陣把刀係未上實。 然後冰刀有分4個SIZE S M L XL，一般黎講建議跟標籤上既SIZE再買大1號，因為SEBA冰刀設計上弧度較大，除非平時習慣43腳用231刀架，否則上冰既時候會感覺無頭無尾，後溜時問題會更嚴重，買大一碼後所有問題都會解決哂。   組裝上亦有貼心提示 防上掉轉前後左右，特製六角匙既設計亦非常貼心，好輕易就入到個咁難入既位上實底座螺絲。  SEBA冰刀同其他市面上既冰刀有好大分別，SEBA冰刀係連專用冰刀架，而市面上既其他冰刀就係用轆轆刀架拆哂D轆換刀，對鞋就會高左好多 而個人企高左咁多其實好危險，而SEBA冰刀就唔會有咁既問題，著上腳同傳統冰球鞋既高度,感覺相差不多。  好啦比完錢裝完鞋就緊係即刻仆過去冰場測試，溫馨提示SEBA冰刀係被視為HOCKEY鞋 留意返唔係每個冰場都接受使用HOCKEY鞋啦 下列只供參考: 又一城 年齡限制 太古 唔接受 圓方 請守規舉 西九 閑日4點後先可以 MEGA ICE請守規舉 詳細就自己行去睇啦
咁宜家入正題，由於弧度較大 所以靈活性十分高，平花動作大部份都玩得返出黎 而比HOCKEY鞋玩得更加好。 蛇,叉,跳,坐不在話下啦 單輪類動作亦照做可也。 不過就唔係叫腳尖、 腳肘單輪啦，改口叫刀頭刀尾，當然啦刀頭射鴨的話就唔好要求真係可以坐哂落去啦，半坐式好啦。 旋轉類動作更加好似裝左摩打咁，最重要就係SEBA冰刀係可以好似普通輪架咁調刃位。前後左右任你較 亦係HOCKEY鞋做唔到既事。 所以玩冰FREESTYLE既朋友 或者可以唔洗再用HOCKEY+TBLADE啦。 另外就係剎制，由於SEBA冰刀原廠並無開到好深既刃，而且弧度關係接觸面就少，所以可以好輕易咁係冰面剷到一段距離，可以較易做到剎既COMBO 企鵝、彊屍、 RUNNING HOCKEY STOP等等簡直係食菜咁食。 然後就到鍾意劈圈既朋友，因為SEBA冰刀設計上為玩平花為主，直線加速、壓灣失速、等等略差HOCKEY鞋。 最後一樣到底把刀可唔可以拎黎打HOCKEY，我既感覺就係唔可以，因為刀架可以調前後左右 比PUCK射歪既機會都幾高，始終專鞋專用 打HOCKEY用返HOCKEY鞋，玩冰FREESTYLE 就當然用返SEBA SKATE+SEBA冰刀啦。  仲有要留意既地方就係踩左一陣間會發意把刀會噠噠聲，不過亦都係無辦法 ，因為冷縮熱脹既關係。 實測就係10點溜到3點半 溜15分鍾左右就會有聲，一路照踩去到3點半都冇飛刀既問題 仍然都實既，不過D聲會令人感到不安咁解。 安全起見或者帶定2支專用六角匙會比較好。 然後到保養方法 1.建議上刀架之前先ZIP張紙巾，用底座螺絲貫穿 幫助吸水 2.勤檢查每粒螺絲有冇鬆 3.磨刀的話到各大溜冰場就可，收費由70-300 睇返搵咩人磨同邊個場 4.每次溜完記得要用紙巾抹好 總結 SEBA冰刀係一把幾有誠意既產品，只要唔係拎黎打波 (花刀都唔計 刀型唔同無得比較)，其實真係幾正。 可以玩得返大部份平花動作，冇冰鞋既ROLLER友或者唔洗再忍受公鞋既惡臭同支撐力，可以係冰面上發威 玩開冰FREESTYLE既朋友 宜家終於有一對專FREESTYLE冰鞋啦，你仲等D咩?
|
Powered by Discuz! X3.4
© 2001-2017 Comsenz Inc.
