香港輪滑網滾軸溜冰資訊站HK Roller

 找回密碼
 註冊
搜索

「報導」 由彩虹入西貢(圖、文、片-完全版)

2021-1-5 16:50| 發佈者: admin| 查看: 484| 評論: 0|原作者: 小齊

摘要: 09年7月16日,我和RICKY兩條友由彩虹殺入西貢。由於路途崎嶇,所以事先無同大家講,怕完成唔到就無謂啦... 但係完成過後,發現難度極高,而且有一定危險性,所以不放到其他版塊,以免缺乏輪滑經驗或常識的新手以為這 ...

09年7月16日,我和RICKY兩條友由彩虹殺入西貢。由於路途崎嶇,所以事先無同大家講,怕完成唔到就無謂啦...

但係完成過後,發現難度極高,而且有一定危險性,所以不放到其他版塊,以免缺乏輪滑經驗或常識的新手以為這是一個簡單的任務。


報導開始:

往飛霞路與清水灣道交界

晚上7時30分,多雲天陰,無月亮,溫度約29度。

我與RICKY於彩虹地鐵站出發,我們於清水灣道公共運輸站換鞋出發,我們二人用的都是FR1。

P005.JPG

 

出發後,我們沿清水灣道上斜,一直向新清水灣道進發,首個休息點是飛霞路與清水灣道交界的路口,路程約2公里,路段全為上斜,從地圖看這段路共上了200米。由於全程上斜,實在上到爆偈....

P007.JPG

 

P011.JPG

 

如果勉強講,我地已經到左西貢~

P021.JPG

 

P019.JPG

 


往嘉澍路

休息過後,下個休息點係嘉澍路,共1.5公里,但係呢段係最難行路段,4大問題:窄、斜、暗、爛。

暗的原因為樹會擋住街燈,令人難以看到路面情況。

此段路為1.5公里,但係頭一半係平路,之後一半足足上左150米....真係未上過咁既斜度....

爛...爛到不能再爛...窄,窄到只係得三尺,但係可以分左三物料去鋪....

P025.JPG

 

P027.JPG

 

P030.JPG

 

P033.JPG

之後又係休息的時間,去到呢刻已經係爆偈邊綠....但係最甘果段現在先來...


往壁屋

一路都係上斜,之後呢段係最斜喇,由嘉澍路上壁屋監獄。

路長1公里,頭段一半係平路,之後0.5公里狂上約100米....如果在彩虹講句斜路頂見,咁呢度就係斜路頂....

來到這裏已經係晚上8:30。

P034.JPG

RICKY依然好氣好力....

P038.JPG

 

P035.JPG

呢段路總長約4公里,如以一個常人於平路步行,時速正是4公里,但係呢段上斜路我地用ROLLER代步卻都要1小時....可想而知有幾慢....

到達壁屋,上斜的路終於走完,之後就是「頭文字R」,瘋狂的落斜。


往清水灣道及西貢公路交匯處

上斜靠體能、落斜靠技術,去到壁屋我其實已經爆偈,如果再上一定訓低....

P039.JPG

之後我們需要由壁屋去清水灣道與西貢公路交匯處,全程約1.4公里,但係要狂落150米....

當中最大難度係落斜轉急彎,而且路好窄,要減速要以T剎為主,S形走法為副。全段斜度平均,所以無任何位置可以以平溜緩減速度,呢段係全段彩虹至西貢最危險的路段,當我們下了6分鐘就要休息,比上斜要休息的時間來得更快。主因是要長時間收緊肌肉去減速,好快腳軟。

 

一路落,一路轉...

P040.JPG

 

P041.JPG

 

落到中間要抖抖。

P044.JPG

 

P045.JPG

連休息在內,我們用了20分鐘去完成這一段...


休息及整裝

我們去到交匯處,需要走過行人天穚到對面,去到天穚底RICKY D轆已經變成「蛋撻」,所以要左右調轉。

P057.JPG

 

P059.JPG

 

P061.JPG

 

P066.JPG

 


往南圍

整理過後我們又再上路,之後呢段係由交匯處去南圍,從前好多非法賽車會在這段路作賽道,原因為夠斜夠直,但係去到斜路底轉個急左彎....

P055.JPG

 

P067.JPG

呢段全程約1.5公里,落足140米,由於已經耗費大量體力,我同RICKY抖左兩次,總共休息左20分鐘....

休息中

P075.JPG

 

P076.JPG

 

這就是最下方的急彎,落到泥都已經戰死...

P080.JPG

 

去到南圍,RICKY本來蝕埋一面經過反轉後的轆已經蝕埋另一面....

P086.JPG

P084.JPG

P082.JPG

 

最後RICKY都係炒左野。

P085.JPG

 

去到蠔涌,呢度就係斜路底,如果由壁屋講句:「斜路底見....」咁要成個鐘先再見,來到蠔涌已經晚上9時35分.....

P089.JPG


往白沙灣

離開蠔涌,我們往白沙灣出發,之後的路段己經再無大上大落,全程平路。

來到這裏實在係已經上晒落晒一年要上落既斜路....

這段最大的問題係路窄,有D位窄到連著波鞋行過都有難度。

P095.JPG

P096.JPG

P097.JPG

 

P098.JPG

 

離開白沙灣,前方就是波蘿輋,條路其在太窄。

P100.JPG

 

P104.JPG


入城

 

見到呢個牌,就知已經完成9成路段~~

P105.JPG

 

之後就係入市中心,段路全程落斜,但係比起之前實在小巫見大巫。呢段路闊、斜度一段,可以唔洗「拖」住落,順溜就可以,況且已經無力再停...

 

見到「滿記」就知入城成功!!!!

P107.JPG

 

之後向碼頭出發~

P108.JPG

P109.JPG

 

最後去到巴士站旁換鞋,已經係晚上10點...

P112.JPG

P114.JPG

兩對助我地完成旅程的FR1~

P120.JPG

 

HK-ROLLER.COM西貢之旅,完滿結束~

P118.JPG


晚飯

之後同RICKY去晚飯,慶祝一下二人無穿無爛,平安到達終點~

P123.JPG

P124.JPG


後記

 

完成這次旅程實在不容易,我的體力只是很一般,頭段上斜真係爆偈....好運的是天氣尚算清涼,沿途有風。

在出發之前已經心知難走,但無想到如此誇張,由其落斜一段,長時間減速實在對體力同技術有好大要求。這段路一定要輪滑者本身技術和經驗非常充足才可成行,在路途上其實自保已經不易,更不要妄想可以保護身邊人,這段路就算用HK-ROLLER最大奧義都無用...

你問我下次幾時再踩,我會話我有排都唔再踩,因為我總覺得與別人同行是有責任去照顧同行者,但呢段路我已經無法做到,所以我不會輕易再由彩虹入西貢,也勸各位想清楚才決定是否參照以上路線自行發起。

 

最後睇埋段片,睇下我地路上的情況同聽下RICKY有乜野發表???

 

Archiver|手機版|小黑屋|私隱政策|聯繫本站

GMT+8, 2021-9-27 18:07 , Processed in 0.059321 second(s), 25 queries .

Powered by Discuz! X3.4

© 2001-2017 Comsenz Inc.

返回頂部