是咁的 近日碌緊YOUTUBE果陣見到條片叫'要成為飛輪少年?! 滾軸溜冰夜'，內容講述一名女生去維園踩ROLLER既經過。 雖然宜家只係6月尾但係夜晚都成30度，到底係咩原因可以令到佢地有冷氣都唔暵、有機都唔打咁出黎練習呢？ 我即刻帶大家直擊一下：   首先今次請黎其中一位女仔SAYA做訪問，SAYA報稱職業為全職廢青實況主播，簡單黎講就係YOUTUBER。 1.點解會揀左踩ROLLER? 本身好鍾意運動 所以大部分運動都有興趣玩下，ROLLER就小學果陣接觸過 ，覺得好型。 踩果陣好開心好好玩， 曾經好熱愛。但因學業問題被迫放棄 ，宜家全職廢青，經濟能力比以前好，所以有時間有機會玩返。 2.有冇個目標最後想玩成點? 想踩街囉～！係條街飛黎飛去咁幾型呀，同埋最近加入左個GROUP叫NGOAR SKATE。 入面有班人主要玩'SHIR'(即SLIIDE)，每次練習佢地都'SHIR'足幾個鐘，最想學係雙剎，不過佢地話依個係最簡單果個黎 但對我黎講點睇都唔簡單LOL。 3.有咩忠告比準備入坑既朋友? 首先要唔怕跌，同埋要搵班朋友一齊玩。 無朋友想玩就上網搵 GOOGLE打滾軸溜冰組織實搵到。自己一個玩好易放棄同無效率，有人點兩野好過自己傻練一個月 4.最後黎個總結? 踩ROLLER真係好好玩架，星期四出黎維園玩啦。 |
Powered by Discuz! X3.4
© 2001-2017 Comsenz Inc.
