| 係，又係我 即係咁 難得大家一齊放假 就約埋一齊入梅窩踩返轉  話說我本人幾年前入去踩過一次 不過已經冇咩印象 一落船就去左間叫"幾好餐廳"食個早餐先 梅窩早餐 #theta360 - Spherical Image - RICOH THETA 對住個無敵大海景食，正！ 食完換鞋出發 Start Skating! #theta360 - Spherical Image - RICOH THETA 我地先由梅窩碼頭出發沿梅窩碼頭路往東行 不過呢邊由於長期有工程進行，路面情況不佳， 行人路窄又有碎石，亦有唔少工程車停泊係路邊 導致有時候一定要落馬路先可以通過。 工程完結前都唔洗考慮呢條路線 踩返轉頭之後就向銀鑛灣出發   呢一段路線地面平坦亦夠寬闊，沿途風景又靚 係呢段路踩感覺好正好舒暢 不過路程實在太短，就算你放慢腳步慢踩 頂多１５分鐘就到盡頭 另外因為近泳灘，路面會有很多細沙，要注意 (此路線可考慮配搭下面Route C食用) 踩得10分鐘就到盡頭當然唔夠啦！ 入埋內街踩下先 呢段路係Route B 途經銀鑛灣渡假酒店既分支 轉入後可去銀樹街或鄉事會路一帶 內街慢慢溜感受一下假日既休閒 又可以細味梅窩既風土人情 (不過唔好誤闖私人地方就OK喇 sosad) 村 #theta360 - Spherical Image - RICOH THETA 由於係內街既關係，路面一般比沿海路線窄 亦有唔少居民出入，所以請控制速度免生危險    總結就係梅窩唔係唔好踩 不過係地方比較細所以好快踩完 如果本身入開去BBQ呀去泳灘玩呀 拎埋對鞋入去就啱哂喇 或者約埋幾個FD中午入到慢慢踩 休閒咁踩下HEA下享受假期 到傍晚出返梅窩碼頭附近食個海鮮餐 都係一個唔錯既選擇 BTW唔該唔好帶D靚Bearing入黎踩 一陣入哂沙就喊出黎 |
Powered by Discuz! X3.4
© 2001-2017 Comsenz Inc.
