自從Pokemon Go係香港出左之後 我一路已經好想踩住Roller去捉小精靈 終於琴晚我就約左幾個LetSkate HK嘅網友出黎 一齊踩住Roller捉小精靈喇! 開始分享個Trip之前 我先講清楚一樣嘢 有人話玩Pokemon Go嘅人好危險 拎住個電話唔睇路四圍撞四圍衝 仲要加埋踩Roller咁仲得了? 其實隻Game係唔洗一路行一路望住個電話既 因為只要你開住隻Game,附近有小精靈既話係會以震機提示玩家 所以,我地完全冇一路踩一路望實個電話嘅 只係一Feel到個電話震,就慢慢搵個靚位停定係路旁 捉完隻精靈之後先再行,成件事係好好好安全既 好喇,係時候講講琴晚個捉Pokemon Trip行程喇 我地係由晚上9點喺尖沙咀鐘樓出發 一路踩到凌晨3點就喺荔枝角公園散Band 歷時6個幾鐘,中途有人加入亦有人走 依家睇返成件事真係好瘋狂 一路開始沿住尖東海旁慢踩 其實海旁一帶就冇咩特別精靈 都係死魚呀, 蟲呀之類咁 不過大家都好Enjoy呢個過程 叫做有隻小海獅咁啦 之後一路行經尖東, 佐敦, 油麻地 一路踩下停下捉下 都成10點半先落到廟街 之後經旺角太子去到深水埗運動場 俾我地見到亞洲獨有既火蔥鴨 不過佢竟然企左係深水埗運動場正中間 當時已經係凌晨12點 根本冇可能入到去運動場 我地見到其他訓練員都係度苦惱緊 之後我靈機一觸諗到可以試下係旁邊嘅停車場試下 因為嗰度比較近運動場正中心 我地以踩Roller既優勢唔洗2分鐘就兜到入停車場 登登!! HI !!!!! 見到佢個下真係好HIGH 之後我地幾個都成功帶走左佢 之後去荔枝角公園既沿路 比我地遇到大周柏豪同六尾 最後入到荔枝角公園 先至係戰鬥既開始 因為荔枝角公園出名多車厘龜 不過真係冇諗過多成咁! 痴線 D車厘龜車輪式咁出黎 其實每隻精靈只會出現時間只有15分鐘 過左就會消失 而個荔枝角公園又唔係細 佢D車厘龜一隻係頭一隻係尾 一時又上面條路一時又另一條路 一係你就跑住捉一係就預左有幾隻會Miss左 不過 呢個時候我地對ROLLER就發揮超大作用 一邊睇住地圖一邊逐隻捉 個感覺好似用緊電光石火咁 捉完仲大把時間睇住其他人走黎走去 上氣唔接下氣咁 原來我學Roller咁耐就係為左今日 (誤) 之後我努力左1個小時都冇, 就.... 已經夠哂料進化!!!!!!!! 講真, 靠行路真係唔知要花多幾多倍時間同體力 進化到水箭龜,真係要多謝返"佢"一聲 平時溜街 真係唔會無啦啦踩6個幾鐘 不過一路同班朋友踩, 一路捉Pokemon 原來係會踩踩下踩左咁耐都唔覺 其實成晚係完全冇見過卡比獸,貝貝龍,啟暴龍等等 不過依家諗返成個Trip 真係好盡興好爽皮 都好似有兩三年冇試過半夜仲踩住Roller喺街踩喇 喂 或者下星期會搞多次 有時間嘅就Join埋啦! LIKE左我地LetSkate HK個Facebook專頁 到時就唔會錯過我地嘅Pokemon Go團喇! |
Powered by Discuz! X3.4
© 2001-2017 Comsenz Inc.