前兩日Pokemon Go終於登陸香港 個個精靈訓練員都即刻著起對鞋衝落街用盡各式各樣方法去捉Pokemon 搞到條街熱鬧左好多   不過淨係留死係一個POINT係捉唔到其他新野既 你要一路周圍行, 去下其他地方睇 先至會有多D唔同精靈出現 所以有D人會選擇跑步／巴士／叮叮／單車／揸車等方法 如果你都係用以上方法去捉Pokemon既話 我只可以講句「 少年，你太年輕了」 呢個時候梗係踩ＲＯＬＬＥＲ啦！ 點解我咁講？ 你搭巴士小巴叮叮呢D交通工具 冇得自己控制速度同幾時停 我諗有唔少朋友都試過架車太快MISS左隻精靈 (我自己MISS過一隻巴他蝶sosad) 又或者係Nearby度見到正野既影子 但係架車就車走左你........ 好喇咁單車同揸車呢？ 仲衰過搭公共交通工具 因為你兩隻手要揸住個軚 點捉呀大佬, 停低架單車都還好 你試下無啦啦停低你架車丫........ 真係養兵千日唔知咩咩咩呀 我地學左Roller咁耐就係等今日喇 Roller真係點睇都最適合用黎捉Pokemon 速度適中, (行路太慢, 搭車時速快過10KM會孵唔到蛋) 唔會用到雙手, 靈活性高, 邊度都去到 (你要講落唔到海我冇野講) 最緊要係咩, 係型呀！ 琴日踩住Roller係維園兜左轉 10分鐘內就捉到咁多野  其實仲有飛天螳螂唔記得影.... 喂唔好講野 今個星期五有EVENT 就係Roller捉Pokemon團 有興趣既就JOIN埋一齊啦！ 按我參加 |
Powered by Discuz! X3.4
© 2001-2017 Comsenz Inc.
