  話說最近天熱真係好熱 有咩爽得過去溜冰? 答案係溜兩次冰 好啦廢話講咁多先 相信咁多位roller友應該都會有去過溜冰場溜冰架啦 咁應該都會知溜冰場借出黎既公鞋係有幾咁惡劣 把刀鈍到好似未磨咁既 有 臭過條渠既 有 又林又摺 完全冇哂支撐力既 有 就係因為咁既原因 所以小編自己隨意買左幾對(好似唔止)溜冰鞋黎試 得出以下既結論 或者會幫到想買溜冰鞋既你   CCM 現時共有三個系列：  Jetspeed 三個系列中最硬，鞋筒內軟墊較少，著重反應直接  Tacks 鞋殻以數層物料拼砌而成，施力時會有特定部分輕微變形，著重力量傳遞  Ribcor 合拼自Reebok，Air Pump為最大特色，充氣後可使腳踭完全緊貼，整體感覺以舒適為主  Bauer 現時共有三個系列：  Supreme 三個系列中最硬，幾乎不會變形，鞋筒強調緊貼，力量傳遞極佳  Vapor 鞋筒採用後貼前闊設計，鞋筒會適量變形令轉向更加靈活，並以輕身為主  Nexus 以經典舒適度為主，鞋身較寬，主要適合腳形較大及肥胖人士穿著  Easton  自收購退休速滑運動員開創品牌MLX後，沿用其設計並命名Mako系列，鞋身非常緊貼，鞋筒、刀架及冰刀均設計成前低後高，穿上後身體會自然向前傾，對前溜速度非常有利  Reebok  自2004年起收購CCM但繼續推出冰鞋至2014年，鞋筒上的Reebok Pump為最大特色，充氣後可使腳踭完全緊貼，整體感覺以舒適為主，除此之外冰刀採用較孤設計，使轉向十分靈活，最後一款鞋名為Ribcor，2015年正式被納入CCM並成為其第三個系列Ribcor。  Graf  Graf相信冰鞋應該要有一定程度的彎曲而不應太硬，代表作G9035系列更有代表不同硬度的Flex選擇，鞋身亦以輕身為賣點。  T-Blade  德國品牌，雖然也有推出冰鞋，但更常見的，是把他們的刀架應用在其他品牌的鞋筒上，刀架上的數個圓形孔設計十分容易辨認。與傳統冰刀相比，T-Blade的金屬部分只佔十分一，這樣做可控制刀身溫度以獲得更有效率的滑行，正因為如此，T-Blade不能像傳統冰鞋般可以進行磨刀 - T-Blade只可更換新刀，好處是不會像傳統磨刀般受人手技術參差影響，而且訂購時更有六種深度及三種孤度可供選擇  如果仲有咩問題既 歡迎過黎我地fb page傾下計 順手留個LIKE :) NGOAR SKATE https://www.facebook.com/NGOAR-SKATE-1611002079135613/    |
Powered by Discuz! X3.4
© 2001-2017 Comsenz Inc.
