(教學) 對TRIX鞋頭鞋身花哂，點算

Oliver9004

贊助網站:

蝦佬又係我Oliver喇
是咁的, 我朋友對Trix用左好耐 (我朋友不是我)
又跑又跳又Slide咁撞到鞋頭鞋身花哂
我呢個鞋科聖手就拎左佢對鞋睇下有冇得救

其實我自己本身都係用Seba Trix
揀得Trix就係中意佢既輕巧靈活
無論拎佢黎踩街定玩花式都好
只有一個字：超級爽！
不過正正因為要做到鞋身輕巧細小
Trix佢鞋頭冇鞋頭膠，鞋身冇抗磨膠
一剷落地就直接磨鞋身真係肉都赤埋
之前又唔捨得拆我自己對訂造版黎整
咁依家有對鞋比我做實驗就真係啱哂喇

首先你要有以下既野

1) 一對殘既Trix
2) 鞋頭膠及抗磨膠套件
3) 電鑽
4) 熱風槍
5) 百得膠/碳纖膠水(如果你買到既話)
6) AA膠(啫喱狀)
7) 膠紙/保仙子
8) 介刀, 六角匙, 十字批, 鉗等等工具

唔好以為我叫你準備"一對殘既Trix"係廢話因為你如果拎一對新既Trix黎整成件事就會本末倒置
正如我頭先咁講你買得Trix就係貪佢輕巧靈活
依家一下就加返鞋頭膠抗磨膠落去
咁不如一開始就買IGOR！
呢個工程係FOR D人玩到對TRIX殘哂用既
係一個令到一對苟延殘喘既TRIX得以續命既偏方

另外第二樣就係"鞋頭膠抗磨膠"
你可以上T網買得到
不過計埋運費其實係香港買仲平
香港係有舖頭賣既邊間就唔講喇
有心搵自己一Search就Search到啦

加鞋頭膠同抗磨膠呢件事上面
最煩係要加塊鐵片係個碳纖底同內膽之間
所以係要擘開個鞋頭既
咁開始解剖之前
首先要拆哂對鞋上面可以拆既野先






跟住就出動熱風槍
由鞋底吹起，慢慢搣面頭層皮出黎







開到好似上圖左右咁就OK
(最緊要夠位放到塊鐵片入去)
之後就慢慢挑埋佢本身個塊薄薄既抗磨膠出黎






D線頭用尖咀鉗鉗出黎就OK




搞左咁耐, 叫做準備好事前功夫
可以開始工程！
首先, 拍返平頭先搣起左個層皮落鞋身Mark位
放啱塊抗磨膠就用Marker/塗改液做標記
(唔好放得太低, 做Silde既時候塊膠會太易刮地)




Mark好位就搣返起層皮
齋鑽塊皮先


塊皮鑽大D個窿都唔怕
最怕係到時鑽得太細好難入螺絲


之後又再拍返塊皮落去MARK位
用返頭先塊皮個窿Mark落個鞋身


唔該唔好Mark得太邊邊
如果唔係會有機會鑽爆


先用細鑽咀鑽啱個位
再慢慢用大鑽咀鑽

要鑽到啱啱好入到塊鐵片既圓形凸位


放入鐵片試位


啱位之後就拎塊鐵片出黎搽AA膠(啫喱個隻)
再痴落鞋身內側




唔該落多少少AA膠痴實D
如果唔係, 當你整完哂全對鞋痴返好哂全對鞋
想擰返個抗磨膠落去既時候

先發覺塊鐵片係入面移左位
你就要重新搣過哂D皮出黎再做過
(我絕對唔會話你知我試過T^T)

痴實哂之後
可以係呢個時候擰個抗磨膠上去試下O唔OK
不過要注意
正常抗磨膠螺絲係唔夠長既
你買抗磨膠SET既時候記得
同職員講你係睇左呢個POST想加抗磨膠落TRIX
咁佢地就會配長螺絲比你 (如下圖)


啱哂位！正！


試好哂位置之後
就擰返個抗磨膠出黎
係時候痴返好塊皮喇
出動百得膠/碳纖膠水


以上兩種膠水
係要係你想痴既兩件物品表面都薄薄塗一層
再等佢半乾既時候一野拍埋佢
可以好似下圖咁
剪塊紙皮出黎刮平Ｄ膠水






記得兩邊都要塗


等佢半乾就拍埋佢


當然就咁痴就一定唔實唔貼服
所以要用膠紙／保鮮紙猛實佢（如下圖）






等佢4小時以上, 確保膠水已經緊緊痴實
就可以拆膠紙喇

多左出黎既膠水可以用介刀挑走佢
之後擰返個抗磨膠落去就大功告成喇

好, 到鞋頭膠
加鞋頭膠就相對細工程
首先你要知道鞋頭膠有分左右


比較長既一邊應該係放係對ROLLER鞋既外側
(另外係個鞋頭膠內側都有寫L定R)


拍個鞋頭膠落鞋頭
用原子筆Mark位
之後就跟住個位去塗膠水
一樣都係鞋頭同鞋頭膠內側都要塗膠水
等兩邊都半乾就拍埋佢


最後上返哂對鞋D配件



翻生喇!
又可以再跑再跳再剷喇!
其實你自己可以因應對鞋既損傷程度
而決定做邊個工程, 加抗磨膠丫定加鞋頭膠
定係兩樣都做呢?
不過講明先,
你加左鞋頭膠之後先至黎搞抗磨膠工程
會好難整既, 因為舊膠痴住塊皮搞到好難甩塊皮出黎
到最後你對鞋加哂抗磨膠鞋頭膠
再換埋碳纖Cuff
(換碳纖Cuff唔使做工程, 佢本身有位俾你換)
就真係變到成對IGOR咁喇 lololololololololololololololol

喂呀執野呀！


有咩唔明可以搵我問我