迪欣湖 家庭輪滑活動首選!

Jaydi

贊助網站:

迪欣湖輪滑遊記

假期一家大細有乜好搞作？有時候諗去邊都真係幾煩，又要好玩又要平又要比小朋友放到電都仲煩。


去廸欣湖踩ROLLER都一次過可以滿足晒又平又好玩又放電三個願望。
[flash]https://www.youtube.com/watch?v=zN6AVyzntns[/flash]





成個迪欣湖既緩跑徑全長約1,500米，難度如果5分係最難 迪欣湖線我會比1分 。
緩跑徑既地面算得上平滑 幾乎睇唔到爛地 而且都幾闊 ，斜路少 。如果唔去花園果邊+入到迪欣湖先換鞋直頭係全程平路，技術要求相對較低，識剎制膠停、T剎就已經行得。

不過假期時會比較多人，特別近入口7仔個位。果度係全個廸欣湖園區唯一個付款地方，租單車、租艇仔、停車場錢通通在7仔搞掂，所以永遠要排長龍...


活動中心仲有雙人4人有蓋單車租用，好適合一家大細入面有唔識踩ROLLER既成員，如果連單車都唔想踩既，無問題 果到沿路都有好多草地，可以鋪張墊係到野餐/補給站。

野食野飲唔夠就去7仔叮叮野食。最重要係有冷氣 。

試問香港仲有邊個位可以集齊上面咁多樣野?
條路靚 個景靚 難度低 有補給站 有單車租
你有既快D話我知


去迪欣湖既方法有 :
1.渣車去 但係車位得23個!!! 唔想無位泊就要好早到。
2.坐MTR到迪士尼站 再步行約十分鍾 踩ROLLER去既5分鍾
沿路有指示牌 都唔明白既 可以留意影片 停車場,大馬路,行人隧道

如果由迪士尼站換鞋踩過去既朋友要留意，會有幾條斜路同埋過馬路，接近迪欣湖既時候仲會有好多旅行團集合點 人山人海。剎停技巧未熟練既朋友請留意冇信心既或者入到去先換鞋


迪士尼站對出涼亭


出閘轉左落斜


停車場


過馬路


行人隧道落斜 亦有樓梯可供選擇



平路 磚地既坑紋都做得好靚 唔會卡住個轆



如果想搵個少人D既位玩下休息下我建議踩入去花園，沿迪欣湖踩入橋底個位既分岔路就會去到
不過要留意入花園容易出花園就有斜路， 剎停功夫未熟練既要小心。

花園



最後 祝大家旅途愉快