Namhei教你買Gear 之 Pro stock篇

Jaydi

贊助網站:

Namhei教你買Gear 之 Pro stock篇

平時去開一D外國網站睇Hockey野, 有無發現有時有D貨品會寫住"Pro stock"呢?
Pro stock其實係指, 每一年既NHL(或者某D大型聯賽), D廠商好似BAUER, CCM, EASTON等等, 都會贊助一大堆裝備俾球員既, 目的當然係增加曝光率啦, 所以都係以外觀可見既裝備為主, 咁當中消耗最大既當然係球杆啦, 睇比賽時成日都會見到有球員斷棍, 但係有D裝備好似手套咁, 可能廠商贊助兩三對俾佢地但佢地可能成個球季都淨係用得一對, 咁淨返落黎果D, 有公司就會收購佢地, 然後擺返出黎賣, 咁呢D就叫做Pro stock喇。

咁Pro stock除左來源唔同之外, 仲有咩唔同呢?

1.有廠商會為左職業球員既需要而生產一D特製型號, 去加強保護性, 例如BAUER VAPOR APX2手套加入Poron XRD變左APX2 PRO

2.唔同球隊當然有唔同既配色啦, 唔只球衣, 頭盔、手套、Pants都會有指定既制服顏色, 廠商自然要出返呢D特製色去配合球隊

3.有D裝備更會為球員度身訂造, 例如手套同球杆咁會印上球員既名稱, 球杆亦都可以改顏色、甚至改塗裝, 例如有可能係BAUER NEXUS既球杆但係塗裝成BAUER VAPOR

4.冰鞋就仲特別, 為球員訂製既冰鞋除左可以左右腳唔同尺碼之外, 仲可以有0.25既碼數或者更闊既頭,例如一對冰鞋可以係左腳7.25EE右腳6.75EEE

雖然Pro stock聽落好似幾吸引咁, 但係要留意既係話明Pro stock, 即係俾外國職業球員用, 佢地既身型同我地相差甚遠, 所以裝備既尺寸或者球杆既硬度(Flex)都未必適合我地用既, 所以訂購之前有疑問既話記得向身邊比較熟悉裝備既朋友問清楚喇。